Жүргенов атындағы көше (Алматы)

Жүргенов атындағы көше. Көшеге көрнекті мемлекет және қоғам қайраткері, қазақ өнерінің дамуына елеулі үлес қосқан ұлтжанды азамат Темірбек Қараұлы Жүргеновтің есімі (Алматы қаласы атқару комитетінің 08.05. 1984 №9/242шешімі) берілді. Жүргенов Темірбек Қараұлы (1898-1939) Ақтөбе облысының Ырғыз ауданында дүниеге келген. Ташкентте Қазақ институтының ректоры, Тәжікстандағы Қаржы жөніндегі Халком, 1930 жылдары Қазақ КСР Ағарту ісі жөніндегі Халком қызметтерін атқарған.

Көше Медеу ауданында орналасқан. Пушкин көшесінен басталып Тяньшан көшесіне дейін созылып жатыр. Есенов, Нүсіпбеков, Жангелдин, Бәйішов көшелерін қиып өтеді. Бұрынғы атауы - Пригородная көшесі. Көшенің ұзындығы - 1000 метр.