Жүрекет жасушалары

Жүрекет жасушалары (гр. cardiamyociti mys - бұлшықет, kytos - жасуша; kardia — жүрек) — жүректің бұлшықет қабығын (миокардты) құрайтын жасушалар. Кардиомиоциттің пішіні ұзын цилиндр тәрізді. Жасушаның сопақ ядросы цитоплазманың ортасында, ал жиырылғыш протеиндік жіпшелері цитоплазманың шеткі ұзынынан орналасады.

Жүрекет жасушалары — еріксіз жиырылатын көлденең жолақты жасушалар. Зақымдалған кардиомиоциттер қалпына келмейді. Жүрекет жасушалары қызметіне байланысты жұмысшы (жиырылғыш) және өткізгіш болып екі топқа бөлінеді. Олар бір-бірінен мөлшері мен миофибриллалар санына және боялу сипатына байланысты ажыратылады. Жүрекет жасушалары өздерінің ұштарымен бір-бірімен тізбектеле тығыз байланысып, қаңқа бұлшықет талшықтарына үқсас "миоталшықтар" түзеді. Көршілес кардиомиоциттердің саусақ тәрізді өсінділі ұштарының бір-бірімен өзара тығыз байланысқан шекарасын аралық дискі деп атайды. Кардиомиоталшықтар аралығында қан, лимфа тамырлары мен жүйкелерге бай борпылдақ дәнекер ұлпалық аралық (эндомизий) орналасады.