Жұмагүл Өмірзаққызы Мейрамова
Жұмагүл Өмірзаққызы Мейрамова (1949 жылы 1 желтоқсанда Алматы облысы Жамбыл ауданы Қарақыстақ ауылында туған) —актриса. Қазақстанның еңбек сіңірген әртісі (1996). Қазақ ұлттық өнер университетінің профессоры.
| Жұмагүл Өмірзаққызы Мейрамова | ||
| Жалпы мағлұмат | ||
|---|---|---|
| Туған күні |
1 желтоқсан 1949 (75 жас) | |
| Туған жері | ||
| Азаматтығы | ||
| Мамандығы | ||
| Белсенді жылдары |
1971 жыл - осы уақыт | |
| Бағыты | ||
| Марапаттары |
| |
Толығырақ
өңдеу- Жұмагүл Өмірзаққызы 1949 жылы 1 желтоқсанда Алматы облысы Жамбыл ауданы Қарақыстақ ауылында дүниеге келген.
- 1967 - 1971 жылдары Құрманғазы атындағы Қазақ ұлттық консерваториясының (бұрынғы Алматы мемлекеттік өнер институты) актерлік бөлімін Қазақ КСР халық артисі, профессор Асқар Тоқпанов және КСРО халық артисі, профессор Шолпан Жандарбекованың жетекшілігімен бітірген.
- 1971 - 2007 жылдары Мұхтар Әуезов атындағы Қазақ мемлекеттік академиялық драма театрының актрисасы болды. Отыз жылдан астам қара шаңырақта қызмет атқарған актриса сахнаға ұмытылмас кейіпкерлердің бейнесін сомдады.[1]
- 1996 - 2007 жылдары Т.Жүргенов атындағы Қазақ ұлттық өнер академиясының Сахна тілі кафедрасында оқытушысы, аға оқытушысы, доценті.
- 2007 жылдан Қалибек Қуанышбаев атындағы қазақ мемлекеттік академиялық музыкалық драма театрының актрисасы.
- 2007 жылдан Қазақ ұлттық өнер университетінің «Актер өнері және режиссура» кафедрасының доценті.
Сахнадағы негізгі рөлдері
өңдеу- Қалибек Қуанышбаев атындағы қазақ мемлекеттік академиялық музыкалық драма театрының сахнасында: Ә. Тарази «Жолы болғыш жігіт» – Тана, Ғ. Мүсірепов «Ақан Сері-Ақтоқты» – Ақтоқты, « Қыз Жібек» –Қамқа, Ә. Нүрпейісов «Қан мен тер» – Ақбала, Ақбаланың шешесі, М. Әуезов «Абай» – Әйгерім, «Айман-Шолпан» – Айман, Теңге, Иран-Ғайып «Мен ішпеген у бар ма?» – Әйгерім, О. Бөкей «Құлыным менің» – Анар, Қарлығаш, С. Мұқанов «Шоқан Уалиханов» – Катерина, Л. Табукашвили «Арманымның ақ құсы» – Нинико, И. Вовнянко «Апат» – Ұлпан, П. Гауптман «Ымырттағы махаббат» – Паола, Б. Римова «Абай-Әйгерім» – Тоғжан, Т. Джюдженоглу «Көшкін» – Бәйбіше, Е. Жуасбек «Антивирус» – Жамал, Ж. Ануй «Жалын жұтқан Жанна Д’Арк» – Иоланта, Р. Отарбаев «Көлеңкесіз жолаушы» – шешесі және т.б.
- Мұхтар Әуезов атындағы Қазақ мемлекеттік академиялық драма театры сахнасында: Ғ.Мүсіреповтің "Ақан сері — Ақтоқтысындағы" Ақтоқты, С.Мұқановтың "Ш.Уәлихановындағы" Катерина, Әуезовтің "Айман — Шолпанындағы" Амман, Б.Римованың "Абай — Әйгеріміндегі" Тоғжан, Ш.Айтматовтың "Ғасырдан да ұзақ күніндегі" Зәрипа, Иран Ғайыптың "Мен ішпеген у бар ма?" спектакліндегі Әйгерім рөлдерінде ойнады.[2]
Марапаттары
өңдеу- 1996 жылы Елбасының жарлығымен Қазақстанның еңбек сіңірген әртісі құрметті атағымен марапатталды.
- 2015 жылы Қазақстанның "Еңбек ардегері" медалімен марапатталды.
- Өнертану ғылымдарының доценті.
Отбасы
өңдеу- Тұрмыс құрған. Жары актер, Қазақстанның халық артисі, профессор Тілектес Мейрамов.
Дереккөздер
өңдеу- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3