Жұмат Жұмалыұлы Тілепов

Тілепов Жұмат Жұмалыұлы (11 наурыз 1944 ж.т., Маңғыстау облысы Маңғыстау ауданы Таушық кентінде туған) — ғалым, философиялық ғылымының докторы (1997), профессоры (2002). Халықаралық ақпараттандыру академиясының академигі (2004). ҚазҰУ-дың филол. ғылымдары бойынша докт. дис. қорғататын ғыл.-кеңесінің мүшесі.

Жұмат Жұмалыұлы Тілепов
Туған күні	11 наурыз 1944 (1944-03-11) (80 жас)
Туған жері	Таушық, Маңғыстау ауданы, Маңғыстау облысы, Қазақ КСР
Азаматтығы	Қазақстан  КСРО (1944-1991)
Ғылыми аясы	философия
Ғылыми дәрежесі	философиялық ғылымының докторы
Ғылыми атағы	профессор
Альма-матер	ҚазҰУ

Өмірбаяны

ҚазҰУ-ды бітірген (1969).

1963 - 64 ж. Жетібай мұнай-газ барлау өндірісінде мұнайшы болып істеді.

1969 ж. "Лениншіл жас" (казіргі "Жас Алаш") газетінде әдеби қызметкер.

1969 - 71 ж. Забайкалье әскери округінде әскери қызметкер, 1972 - 78 ж. "Қазақстан коммунисГ журналында әдеби қызметкер, "Қазақстан", "Жалын" баспаларында редактор, 1978 - 96 ж. Әдебиет және өнер институттының кіші, аға, жетекші ғыл. қызметкері, бөлім меңгерушісі қызметтерін атқарды.

1997 - 99 ж. Әдебиет және өнер ин-тының қолжазба және текстология ғыл. орталығының басшысы, ин-т директорының орынбасары, 1999 - 2000 ж. Алматы Халықаралық журналистика институттының ғыл. жұмыс жөніндегі проректоры, кафедра меңгерушісі болып еңбек етті. Сонымен бірге ол 1999 - 2001 ж. осы жұмыстармен қатар "Ғылым" баспасының бас редакторы қызметін де бірге атқарды.

Т. 2000 жылдан ҚазҰУ-дың проф. болып еңбек етеді.

Шығармалары мен еңбектері

Шығ. жолын ақындықтан бастаған Т-тің өлеңдері мен әңгімелері мерзімді баспасөз беттерінде, ұжымдық жинақтарда, сондай-ақ, "Таң шапағы" (1977), "Ерекше күн" (1978) атанатын поэзиялық, прозалық жеке кітаптарында жарық көрген.

Е.Купрееваның "Дәрігер парызы" (1975), Р.Ермекованың "Өсімдік тозаңдарының аллергиясы" (1976) секілді еңбектерін орыс тілінен қазақ тіліне аударған.

Ол 160 ғыл. мақала, 7 ғыл. монография мен оқу құралдарының авторы.

Шығармалар

Шығармалар: "Таң шапағы". Өлеңдер. А., 1977; "Ерекше күн". Әңгімелер. А., 1978; "Ерте дәуірдегі қазақ әдебиеті: XV - XVIII ғғ." (авторлардың бірі). А., 1983; "XIX ғасырдағы қазақ ақындары" (авторлардың бірі). А., 1988; "XX ғасырдың бас кезіндегі қазақ әдебиеті" (авторлардың бірі). А., 1994; "Қазақ поэзиясының тарихилығы". А. 1994; "Елім деп еңіреген ерлер жыры". А, 1995; "Шал ақын Құлекеұлы". Зерттеулер (авторлардың бірі). А., 1999; "Қазақ әдебиетінің тарихы". 3-том. (авторлардың бірі) А, 2000; "Тарих және әдебиет: XIV - XX ғасыр басындағы қазақ әдебиетінің тарихилығы".