Жұмақ құстары
Жұмақ құстары (лат. Paradisaeidae) – торғайтәрізділер отрядының бір тұқымдасы. Оған Жаңа Гвинея мен Австралия ормандарында мекендейтін 14 туысқа бірігетін 40-тан астам қанаттылар түрі енеді. Қауырсындары түрлі түске боялған сәнді, айқын ашық түсті келеді. Әсіресе, қораздары өте әсем, олардың басында, құйрығында ұзын, әрі әдемі қауырсындары болады. Дене тұрқы 14 – 100 см (кейбір түрінің құйрық қауырсыны бірнеше қабаттан тұрады, сондықтан ұзын келеді). Тұмсықтары мықты болады. Бұлар – отырықшы құстар. Жылына бір рет қауырсындарын тастап түлейді. Өніп-өсу кезінде жұптасып, ұяларын ағаш басына салады. Ұядағы 1 – 2 ақ не шұбар жұмыртқаны тек мекиені басып шығарады. Жұмақ құстары өсімдіктің жемісімен, тұқымымен қоректенеді, сондай-ақ ұсақ жәндіктерді, бақалар мен кесірткелерді де жейді. Қауырсындары сәндік үшін бас киімге тағылады.[1]
| Жұмақ құстары | ||||||||||||
|---|---|---|---|---|---|---|---|---|---|---|---|---|
 Еркек кіші жұмақ құсы
Paradisaea minor | ||||||||||||
| Ғылыми топтастыруы | ||||||||||||
| ||||||||||||
| Туыстары | ||||||||||||
|
14 туыс |
Дереккөздер өңдеу
- ↑ Қазақ энциклопедиясы, 4 том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — орнитология бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |