Жұқпалы аурулар ауруханасы

Жұқпалы аурулар ауруханасы - арнаулы медициналық мекеме. 1960 ж. Орал қаласында жұқпалы кеселдерге шалдыққандарды емдеу орталығы (35 орын) ретіңде ашылды. Бастапқыда мұнда клиникалық, бактериялық лабораториялар мен рентген кабинеттері жұмыс істеді. 1965 ж. ересектер мен балалардың ішек ауруы бөлімі мен сары ауру бөлімі орналасқан 2 қабатты ғимарат (90 орын) іске қосылды. 1975 ж. әдістемелік кабинет ұйымдастырылды. 1979 ж. зарарсыздандыру бөлімі, кейін реанимация бөлімі (6 орын) ашылды. Соңғы кезде бұл аурухана облыстағы жұқпалы ауруларға қарсы күрес қызметінің ұйымдық-әдістемелік орталығына айналды (200 орын). Аурухана жанынан дәрігерлер үшін арнаулы курс ашылған.