Жәдігер Қылышбайұлы Кенбай

Жәдігер Қылышбайұлы Кенбай 1956 жылы 11 қарашада Ақтөбе облысы Қобда ауданы Жарық ауылында туған. Қазақ. Әкесі - Кенбаев Қылышбай Жалмағамбетұлы, марқұм, Ақтөбе облысы Қобда ауданы «Жарық» кеңшарының бас экономисі болып жұмыс істеген. Анасы - Кенбаева Дәмелі Ізмұханқызы, зейнеткер, мұғалім болып жұмыс істеген.

Алматы көркемсүрет училищесін (1981); Т. Жүргенов атындағы Алматы мемлекеттік театр-көркемсүрет институтының көркемсурет факультетін (1989) монументалды-сәндік өнер суретшісі, мүсінші мамандығы бойынша бітірген.

Мүсінші, суретші-монументші. Қазақ және орыс тілдерін біледі.

1977 жылдан - Ақтөбе облысы Қобда ауданы «Жарық» кеңшарының жұмысшысы. 1981 жылдан - Маңғышлақ облыстық қуыршақ театрының бас суретшісі.

1984 жылдан -ҚазКСР Көркемсүрет қоры жанындағы Ақтөбе шеберханасының суретшісі.

1991 жылдан - Ақтөбе гуманитарлық колледжінің оқытушысы.

1998 жылдан бері - Қ. Жұбанов атындағы Ақтөбе мемлекеттік университеті дизайн кафедрасының аға оқытушысы. ҚР Суретшілер одағы Ақтөбе филиалының төрағасы.

Әскери атағы - сержант.

Діни көзқарасы - ұстамды мұсылмандық.

Саяси қайраткер ретіндегі идеалы - М. Шоқай, Н.Ә. Назарбаев.

Қазақстанның болашағы туралы болжамы - «Өркендеген Қазақстан, барлық салада дамудың эволюциялық жолы».

Хоббиі - тарихи әдебиет оқу.

Сүйіп оқитын әдебиеті - халықтар тарихы, этнография.

Үйленген. Жұбайы - Кенбаева Гүлбахрам Мансұрқызы, мұғалім. Балалары - Жанат (1984 жылы туған), Әйгерім (1986 жылы туған), Қанат (1990 жылы туған).