Жәйрем полиметалл кен орны
Жәйрем полиметалл кен орны - Қарағанды облысы Қаражал қаласынан солтүстік-батысқа қарай 60 км жерде. Кен орны 1951 жылы ашылып, 1964 жылдан барланған.
Геологиялық құрылымы
өңдеуКен Жайылма грабен-синклиналінің ортасында пайда болған екінші дәрежелі брахиантиклиналь бойында орналасқан. Кентас жоғарғы девонның фамен ғасырының флишоид қабатында шоғырланған.
Жатыс сипаты
өңдеуКен орны Шығыс, Батыс, Қиыр батыс деп аталатын 3 телімге бөлінген. Кен денелері – сыйыстырушы жыныстарға сәйкес жатқан линза және қабат пішінді күрделі денелер. Ұзындығы 200-1600 м, ені 100-700 м, қалыңдығы 1 м-ден 115 м-ге дейін.
Түрлері, құрамы
өңдеуКентастардың қорғасынды-мырышты, таза баритті, мырышты-олигонитті, тотыққан қорғасынды-мырышты түрлері бар. Негізгі минералдары – галенит, сфалерит, мельниковит, олигонит, барит, пирит. Кентастардан қорғасын, мырыш, барит, қосымша мыс, күміс, кадмий алынады. Жәйрем полиметалл кені негізінде Жәйрем кен-байыту комбинаты салынған. [1]
Дереккөздер
өңдеу- ↑ Қазақ энциклопедиясы ІІІ том
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |