Жәкеев Сапиолла



Жәкеев Сапиолла Молдағалиұлы — педагог-музыкант, ҚазКСР Халық ағарту ісінің үздігі (1966), «Еңбек ардагері» (1987). Орал музыкалық училищесін (1954), Алматы консерваториясын тәмамдаған (1959). Қазақ мемлекеттік балалар мен жасөспірімдер театры оркестрінде, К. Байсейітова атындағы музыкалық мектепте қызмет атқарған. 1964 ж. А.Жүбанов атындағы республикалық музыкалық мектебі ұйымдастырылған кезде Жәкеев сонда қызметке шақырылып, 20 жылдан астам уақыт бойы виолончель және контрабас аспаптары сыныбында дәріс берді. Көптеген дарынды шәкірттер, республикалық, халықаралық байқаулардың лауреаттарын тәрбиелеп шығарды.[1]

Жәкеев Сапиолла Молдағалиұлы
Дүниеге келгені: 14.11.1931
Теректі ауданы
Мансабы: педагог-музыкант

Дереккөздер өңдеу

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8