Зак Снайдердің Әділет Лигасы
Зак Снайдердің «Әділет лигасы» (ағылш. Zack Snyder's Justice League «Снайдердің нұсқасы» ретінде белгілі (ағылш. Snyder Cut) — «Әділет лигасы» (2017) суперқаһармандық фильмінің Зак Снайдер жасаған жеке нұсқасы. Зак Снайдердің режиссер жұмысынан кеткенге дейін жасаған түпнұсқа туындысы ретінде DC Universe ғаламының бесінші фильміне жатады. Театралдық нұсқадағы сияқты, Зак Снайдердің Әділет лигасында да Әділет лигасының мүшелері - Бэтмен (Бен Аффлек), Супермен (Генри Кэвил), Ғажайып әйел (Гал Гадот), Киборг (Рэй Фишер), Аквамен (Джейсон Момоа) және Флэш (Эзра) - ғаламдық қауіп Дарксайд (Рэй Портер), Дала Қасқыры (Сиаран Хиндс) және олардың ұйымы: «WASAOP»қа қарсы тұрады.[1]
| Зак Снайдердің Әділет лигасы | |
|---|---|
| Жанры | Атыс-шабыс суперқаһармандық фантастикалық |
| Режиссёрі | Зак Снайдер |
| Продюсері | Чарльз Ровен Дебора Снайдер |
| Сценарийдің авторы |
|
| Басты рөлдерде | Бен Аффлек Гал Гадот Генри Кавилл Эми Адамс Эзра Миллер Рей Фишер Джейсон Момоа Джесси Айзенберг |
| Операторы | Фабиан Вагнер |
| Композиторы | Том Холкенборг |
| Кинокомпания | |
| Дистрибьютор | Max |
| Ұзақтығы | 242 мин. |
| Бюджеті | $70 млн |
| Мемлекет |  АҚШ |
| Тілі | ағылшын |
| Шыққан жылы | 2021 |
| Алдыңғы фильм | Бэтмен Суперменге қарсы: Әділет таңы |
| Келесі фильм | Ғажайып Әйел |
| IMDb | ID 12361974 |
| https://hbom.ax/releasethesnydercut | |
2017 жылы шыққан «Әділет лигасы» фильмінің театралдық нұсқасының көп кемшіліктері болды. Фильм сценарийі 2016-2017 жылдары өндіріске дейін және түсіру кезінде көптеген түзетулерден өтті. 2017 жылдың мамырында Снайдер қызының өзіне-өзі қол жұмсауына байланысты фильмнің пост-продакшіні кезінде режиссер қызметінен кетті және оның орнына Джосс Уидон тағайындалды. Алайда титрда аты режиссер ретінде аталмады. Уидон таспаның кең көлемде қайта түсірілімін жүргізді, нәтижесінде фильмде жеңіл баяндау мен юмордың жарқын реңі көрініс тапты. Сонымен қатар ол студия басшылығы талап етуімен фильмнің ұзақтығын 120 минутқа дейін қысқартты. Сайып келгенде, Әділет лигасы кассалық сәтсіздікке ұшырады және сыншылар мен аудиториядан әртүрлі пікірлер алды, бұл компанияны ортақ ғаламға емес, жеке кейіпкерлер туралы оқиғаларға бағытталған болашақ фильмдердің жоспарларын қайта қарауға мәжбүр етті.