Зигмунд фон Герберштейн
Зигмунд Фон Герберштейн (23.08.1486 жыл, Словения–28.03.1566 жыл, Вена) – неміс дипломаты, саяхатшы,
- 1517 ж., 1526 ж. император Максимилиан I-нің Ресейге жіберген елшісі.
| Дүниеге келгені: | 23.08.1486 |
|---|---|
| Қайтыс болғаны: | 28.03.1566 |
| Мансабы: | Неміс дипломаты |
Герберштейн бұл сапарлары туралы жазған «Мәскеу істері жөніндегі күнделігінде» (Вена, 1549 ж.) Қасым хан тұсындағы Қазақ хандығы жөнінде алғаш рет Еуропаға мәлімет береді, Көшім хандығына, Ноғай ордасына қатысты маңызды мәліметтер келтіреді. «Күнделікте» автор Еділ бойы, Сібір мен Орталық Азия тұрғындарын «татарлар» деп атағанымен, олар «өздерінің тұрмыс-салты жөнінен бір-бірінен ерекшеленеді» деп көрсетті. Олар үйірлеп жылқы ұстайды, ет-сүтпен қоректенеді, тамаққа тұзды аз, ал дәрілік шөптерді көп пайдаланады дей келіп, әр түрлі «татар ордаларының» қоныстары, тұрмысы мен діні, әдет-ғұрыптары, қару-жарағы, соғысты жүргізу әдістері туралы нақтылы баяндаған. Қазақтардың астрономиялық түсініктері жөнінде айта келіп, олардың түнгі сапарлары мен жорықтарында Темірқазық жұлдызының орны ерекше екендігін атап өткен. Жайық бойындағы Сарайшық қаласының «татарлардың бай да үлкен сауда орталығы» екендігін жазады. Герберштейн еңбегінде қисынсыз, ойдан шығарылған әңгімелер де ұшырасқанымен, еуропалықтардың шығыс елдері туралы түсінігін кеңейтуге ықпал етті.[1]
-
Сигизмунд Герберштейн Ресейге қарай жол үстінде -
Герберштейн С. - Записки о московитских делах (1908) -
Сигизмунда Герберштейннің «Записки о московитских делах» кітабынан жоспар. Герберштейн Мәскеуде 1517 және 1526 жылдары болған, жоспар 1556 жылмен белгіленген. -
Басылым: 1550(51) жыл, Венеция. Автор: Джакомо Гашталди, Сигизмунд Герберштейн. Басушы: Джованни Батиста Педрезано. Гравер: Джакомо Гаштальди -
Салт атты. English: Muscovy cavalerist. Date XVI с Source П..Дашковтың жинағы неміс гравюрасымен. Неміс суретшісі Герберштейн -
Басылым: 1550(51) жыл, Венеция. Автор: Джакомо Гашталди, Сигизмунд Герберштейн. Басушы: Джованни Батиста Педрезано. Гравер: Джакомо Гаштальди -
Herberstein Герберштейн 1517 жылы Василий Иоанновичтің тарту қылған орыс киімінде (сол уақыттағы суретпен)
Дереккөздер
өңдеу- ↑ Қазақ Энциклопедиясы
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |