Иван Иванович Протопопов

Иван Иванович Протопопов(19.4.1907, Қостанай қаласы - 10.8.1944, Польша, Седлецк әскери аймағы, Осовно деревниясы) - 2-дүниежүзілік соғысқа қатысушы, ага лейтенант, взвод командирі. Орыс. Кеңес әскері қатарына 1942 жылы қазан айында шақырылған. Протопопов 1-атқыштар дивизиясының 415-полкі құрамында шайқастарға қатысты. 1944 жылдың наурызында Кулевская деревниясы үшін болған шайқаста Протопопов өз взводымен жаудың қапталын шебер айналып өтті де, тұтқиылдан шабуыл жасап, немістердіц 40 жауынгерін жойды және екеуін қолға түсірді. Брест қаласын азат етуге қатысты, кейіннен «Бресттік» деп аталып кеткен 1-атқыштар дивизиясында Протопопов та болды. 1944 жылдың 28 шілдесіне қараған түні Протопоповтың взводы Брест - Варшава жолын қолға алды. Бұл шайқаста взвод жаудың 16 қарсы шабуылын тойтарып, өздері төрт рет шабуылға шықты. Аға лейтенант Протопоповтың взводы 200-ден аса әскері мен офицерін жойды, 20 автокөлікті қиратып, өздігінен жүретін 3 зеңбіректі қолға түсірді. Осы шайқаста Протопопов ауыр жараланып, ерлікпен қаза тапты. КСРО Жоғарғы Кеңесі Төралқасыныц Жарлығымен Протопоповқа Кеңес Одағының Батыры атағы берілді (24.3.1945).