Иван Михеевич Астафьев

Иван Михеевич Астафьев (1922, Шығыс Қазақстан облысы Шемонаиха ауданы Усть-Таловка кенті - 1945, Германия, Волен қаласы) - екінші дүниежүзілік соғысқа қатысушы, танк және өздігінен жүретін артиллериялық «СУ-85» қондырғысының жүргізуші-механигі, гвардия аға сержанты. Орыс. Мектепті бітіргеннен кейін «Красный боец» ұжымшарында тракторшы, комбайншы болып жұмыс істеді. 1941 жылдың қарашасында Кеңес әскері қатарына шақырылды. 1941 жылдың желтоқсанынан Ұлы Отан соғысына Батыс және 1- Беларусь майдандарында қатысты. 1944 ж. 1-Беларусь майданының құрамында алғашқылардың бірі болып мемл. шекарадан өтгі. 369-Люблин гвардиялық артиллерия полкімен Польшаны азат етуге қатысты. Әсіресе Сохачев үшін кескілескен шайқаста гвардия капитаны Пиявчуктың батареясы 40 сағат бойы үздіксіз ұрыс жүргізді. Осы ұрыста Астафьев батыл қимылдады. Ол т.ж. ст-на басып кіріп, өздігінен жүретін қондырғысымен жаудың 80 автокөлігін, 120-дан астам транспорт түрлерін, 5 бронетранспортерін, түрлі калибрлі 11 зеңбірегін, 2 эшелонын, 500- дей адамын жойды. Осы көрсеткен ерлігі ұшін А-ке КСРО Жоғары Кеңесі Төралқасының Жарлығымен Кеңес Одағының Батыры атағы берілді (27.2.1945). Д. Германияның Волен қ. үшін ұрыста қаза тапты. Әскемен қаласындағы бір көше, Усть-Таловка мектебі Астафьевтің есімімен аталады. Ленин, «Қызыл Жұлдыз» ордендерімен және «Ерлігі үшін» медалімен марапатталған.