Иван Федорович Бларамберг

Иван Федорович Бларамберг (1800 - 1878) - орыс геодезисі, қазақ жерін картаға түсірушілердің бірі, генерал-лейтенант. Майндағы Франкфурт университеттін бітірген. 19 ғ-дың 20-жылдарының басында Ресейге келген. 1928 жылдан Бас штабта істеді. Каспий теңізінің қазақстандық жағалауларын картаға түсірді. 1837-40 ж. Иранда қызмет атқарды. 1845 ж. орыс География қоғамының мүшелігіне сайланды. 1852 ж. қазақ даласына шыққан топографиялық экспедиңияны басқарды. Тобыл, Ырғыз, Темір, Жем (Ембі) өзендерінің теменгі ағыстарын, Мұғалжар тауын аралап, қазақ даласынан географиялық және этнографиялық материалдар жинады. Бларамбергтің басқарумен еуропалық Ресейдің картасы басылын шықты.^[1]

Бларамберг жазған еңбектерінің бірқатары қазақ даласының солтүстік-батыс бөліктерін және Каспий теңізінің жағалауын зерттеуге арналған. Еңбектерінің бірінде "Земли киргиз-кайсаков" кітабында (1849) ол "Ішкі (Бөкей) және Оралдың Күнгейіндегі (Кіші) Орданың" сипаттамасын береді. Онда Орда жерінің жер бедері, гидрографиясын сипаттаған және қазақтардың өмір салтынан, өнеркәсібінен т.б.мәліметтерді кездестіруге болады.^[2]

Дереккөздер

↑ Батыс Қазақстан облысы. Энциклопедия. — Алматы: «Арыс» баспасы, 2002, ISBN 9965-607-02-8
↑ Қазақтар. 7-том. 24-бет "Білік" баспа үйі, Алматы, 2003

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Батыс Қазақстан облысы. Энциклопедия. — Алматы: «Арыс» баспасы, 2002, ISBN 9965-607-02-8

[2] Қазақтар. 7-том. 24-бет "Білік" баспа үйі, Алматы, 2003

[1]

[2]