Илья Николаевич Садықов

Илья Николаевич Садықов 1979 жылы 8 қарашада Алматы қаласында туған. Әкесі - Садықов Николай Тасыбекұлы, жүргізуші. Анасы - Садықова Наталья Ивановна, үй шаруасында. Ж. Елебеков атындағы Республикалық эстрада-цирк колледжін бітірген (2000), драма театрының актері. Орыс, неміс және ағылшын тілдерін біледі. 1998 жылдан - Н. Сац атындағы Қазақстанның мемлекеттік академиялық балалар мен жасөспірімдерге арналған орыс театрының актері. 2004 жылдың қыркүйек айынан бері - Республикалық неміс драма театрының актері. Келесі спектакльдерде ойнайды: «Голодные. Эй, кто- нибудь!» (Жігіт, Ол), «Макбет» (Банко), «Дай жару» (Карл-Хайнц Майнцер), «Папаня» (Қабан, Мұжық), «Девушка и смерть» (Жігіт, Патша, Каин,1-төбет), «Детектив каменного века» (Жауынгер, Сары, Гитарист), «Войцек» (Доктор, Капитан, Тамбурмажор, Базар айғайшысы), «Карлик Hoc» (Якобтың ағасы, Урбан, Бас аспаз), «Счастливый Ганс» (Қожайын), «По одежке протянешь ножки» (№1 Полицей), «Свобода» (2-ші еркек, Немере, Семіз). Діни көзқарасы - «Құдай біреу! Бәрі де аспан астында!». Қазақстанның болашағы туралы болжамы - «Орыс тіліне Қазақстанда қысым көрсету дурыс емес деп ойлаймын, себебі оны халықаралық (ТМД) тіл деп санаймын. Ол Еуропадағы ағылшын тілі секілді». Хоббиі - фортепьянода, гитарада ойнау; бильярд. Сүйіп оқитын әдебиеті - поэзия, абсурд, комедия. Бойдақ.