Илья Яковлевич Сьянов

Илья Яковлевич Сьянов (1905, Қостанай облысы Әулиeкөл ауданы Әулиекөл кенті - 4.4.1988, Қостанай қаласы) - 2-дүниежүзілік соғысқа қатысушы, аға сержант. Орысша Орынбор жұмысшы факультетін бітіріп, Қостанай, Алматы қалаларында жетекшілік қызметтерде болды. Кеңес әскері қатарына Қостанай қалалық әскери комиссариаты арқылы 1942 жылы шақырылды. Ол 1942 жылы Старая Русса (Ресей, Новгород облысы) қаласы маңындағы және Прибалтика жерлерін азат етудегі шайкастарға қатысты. 1945 жылдың 16 сәуірінен бастап Берлин қаласы үшін болған шайқастарда 1-Беларусь майданы 3-екпінді армияның 79-корпус жауынгерлері жаудың орталық секторындағы қорғанысын бұзып, қала ішіне кірмек болды. Басқа полктермен бірге 150-дивизия 756-полкінің бірінші шабуыл жасау ротасын Сьянов басқарды. 28 сәуірде жараланған командирін алмастырды. Осы ерлігі үшін КСРО Жоғ. Кеңесі Төралқасының Жарлығымен Сьяновқа Кеңес Одағының Батыры атағы берілді (15.5.1945).