Имеретия патшалығы

Имеретия патшалығыXV ғасырдың аяғынан 1804 жылға дейін қазіргі Грузия аймағында болған үш грузин мемлекетінің бірі.

Имеретия патшалығының туы

ТарихыӨңдеу

Елордасы Кутаиси қаласы болды, және, негізінен, Имерети аймағын ғана қамтыды. 1555 жылы болған османлы-сефевид бітім шартына сәйкес Имеретия патшалығы Ұлы Османлы Мемлекетіне бағынышты болып, оған алым-салық төлеп тұрды. Патшалық өте әлсіз болып, жергілікті ақсүйектер үнемі бір-бірімен қырқысып жатты, құл саудасы өркендеді. Тек I Соломон патшаның тұсында (1752-1784) ғана орталықтың билігі күшейіп, құл саудасына тыйым салынды. Ол Батыс Грузияны өзіне толық бағындыруға тырысты, екінші бір грузин мемлекеті Картли патшасы II Ираклимен одақтасты, Ресеймен жақындасуға тырысты. 1804 жылы Имеретия патшалығы Ресей империясының құрамына кірді. 1811 жылы империя құрамындағы Имеретия облысына айналды.[1]

ДереккөздерӨңдеу

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том