Инвагинация

Инвагинация (лат. invaginatio in — ішке, vaginaқынап) — қынаптану, қандауырша ұрығында екі қабат жасушалар қабатының пайда болу процесі (гаструланудың бір түрі). Қандауыршаның (ланцетник) шар тәрізді іші қуыс бластуласының бір қабат бластомерлерден құралған бластодерма түбінің қабырғасы, ішіндегі қуысқа (бластоцельге) қарай, бластодерма төбесіне қарама-қарсы бағытта майыса еніп, пішіні қынапқа ұқсас қапшық тәрізді екі қабат ұрыққа (гаструлаға) айналады. Оның сыртқы қабатын — эктодерма, ішкі қабатын энтодерма, энтодерманың ішінде пайда болған қуысты — біріншілік ішек қуысы немесе гастроцель деп, ал гастроцельдің сыртқы ортамен қатысатын тесігін — біріншілік ауыз немесе бластопор деп атайды.[1][2]

ДереккөздерӨңдеу

  1. Биоморфология терминдерінің түсіндірме сөздігі / — Алматы: «Сөздік-Словарь», 2009 жыл. ISBN 9965-822-54-9
  2. Патологиялық анотомия терминдерінің орысша – латынша – қазақша түсініктеме сөздігі.- Ақтөбе. ISBN 9965-437-40-8