Ион аралдары — Ион теңізіндегі аралдар тобы, Балкан түбегінің батыс жағасы маңында. Грекияға карайды. Жері 2,2 мың км2-ден астам. 5 ірі аралдан (Керкира, Лефкас, Кефалиния, Итака, Закинтос) және көптегеп ұсақ аралдан (бұлар кұрлықтан теңіздің таяз суымен бөлінген және Грекия тау жоталарының жалғасы) құралады. Аралдарда жер сілкініп тұрады. Жағалары тік жар, қолайлы қойнаулары көп. Аралдар жер бедері таулы (биікт. 1628 м-ге жуық) келеді, көбіне әк тастан, сазды тақта тастан түзілген. Жағаларын бойлай жатқан төбелер мен топырағы құнарлы ойпаттарда зәйтүн тоғайы, жүзім, цитрус өсімдіктері, беткейлерде маквис, емен өседі. Климаты субтропиктік, жерортатеңіздік, жауын-шашынның жылдық орташа мөлшері 1350 мм. Балық аулау мен қой шаруашылығы өркендеген. Негізгі қалалары: Керкира, Аргостолион, Закинтос.[1]

Дереккөздер өңдеу

  1. Қазақ энциклопедиясы