Иса Назымов

Иса Назымов (1925-1994, Атырау облысы). Мәскеу мұнай институтын бітірген (1961). 1951- 1955 жылдары - Құлсары мұнай өндіру басқармасының мұнай өндіру цехының техник-геологы, цех бастығының орынбасары. 1961-1962 жылдары - Атырау гидрогеологиялық партиясының бастығы, Мұнайлы мұнай өндіру басқармасының ұңғыманы жерасты жөндеу бригадасының шебері. 1962-1965 жылдары - «Маңғыстаумұнайгазбарлау» тресінің Өзен мұнай барлау экспедициясының сынамалау цехының аға инженері. 1965-1968 жылдары - Теңіз бұрғылау цехының бастығы. 1968-1970 - Өзен мұнай барлау экспедициясы бұрғылау белікшесінің бастығы. 1970-1977 жылдары - «Өзенмұнай» мұнай-газ өндіру басқармасының аудандық және орталық инженерлік-технологиялық қызметтерінің ауысым бастығы. 1977-1989 жылдары - «Маңғыстаумұнайөнеркәсібі» аймақтық өнеркәсіптік басқармасының Өзен цехының ұғымаларды күрделі жөндеу бойынша шебері.