Исмаили Мирзакалон

Исмаили Мирзакалон(1908-өлген жылы белгісіз)- өзбек жазушысы, аудармашы. 1946 жылы Әуезовтің «Абай жолы» романының «Татьянаның қырдағы әні» бөлімін өзбек тіліне тәржімалады. Қазақ жазушысымен студент болған кезінде бірінші рет кездесіп, әңгімесін естігеннен кейін алған әсерлері туралы жазған естелігінде («Мұхтар Әуезов туралы естелік». - «Узбекистан маданияти» газеті, 1979, 18 маусым) ұлы жазушының жастарға айтқан ақыл-кеңесі, ақ жарқын мінезі, карапайымдылығы мен кішіпейілділігі туралы ой түйеді. «Мұхтар аға тек қазақ халқының ғана емес, сондай-ақ ол бүкіл совет халқының, соның ішіңде өзбек хапқының да перзенті еді» деп, ұлы суреткердің жарқын бейнесін есіне алады.