Итбас жарқанаттар

Итбас жарқанаттар — қанатты иттер, қанатты түлкілер, жарқанаттылар отряд тармағына жатады. Жарқанаттардан ірі, (дене ұзындығы 6—дан 40 см дейін, қанат құлашы 1,7 м дейін), ең ірілері, қанатты түлкілер. Иық буыны қарапайым, тоқпақ жіліктің басы жауырынмен қосылмаған; соңғы бақайшақпен тұяқтары аяқтарының I және II саусақ фалангаларында болады. Көпшілік түрлерінің құйрықтары жетілмеген. Тістері өсімдік жегіштер тістері типтес. Көздері жақсы жетілген, өткір. Эхолокациялық сигналды, жарқанаттар сияқты көмеймен емес, тілмен шығарады. 40 туыстары, 150—дей түрі бар жалғыз ғана тұқымдасы Pteropidae, жер шарының Шығыс бөлігін солтүстікте Египетке, оңтүстік Жерорта теңізіне, Оңтүстік Жапонияға дейін таралған. Олар тропикалық және субтропикалық белдіктерде мекендейді. Күндіз ағаш бастарын паналайды. Бірнеше мың И.ж. топталып тіршілік етеді. Өсімдік жемістерімен қоректенеді. 4 түрі ХТҚО—нің Қызыл кітабына енгізілген.