Ишан Қожа жер асты мешіті
Ишан Қожа жер асты мешіті – Маңғыстау облысының жергілікті маңызы бар тарих және мәдениет ескерткіштері тізіміне енген дәстүрлі діни сәулет өнері ескерткіші.
Орналасқан жері
өңдеуТүпқараған ауданы, Форт-Шевченко қаласының оңтүстік жағынан 30 км жерде орналасқан.
Сипаты
өңдеуМешіт Ишан қожа қорымының (кейбір деректер бойынша Сейіт қожа) шетіндегі төбенің жартасынан қашалып жасалған үңгір ғимарат. Мешіттің кіреберісі оңтүстікке қараған; аласалау дәлізіне өңделмеген беті тегіс тастар төселген. Шығысындағы намаз оқитын бөлменің оңтүстік қабырғасынан михраб қашалып жасалған. Мешіт құрылысы жақсы сақталған. 18-19 ғасырлардағы дәстүрлі діни сәулет өнерінің ғимаратына жататын мешіт жанындағы қорымда 50-ге тарта ескерткіштер шоғырланған. Ел аузындағы және тарихи деректерге қарағанда бұл өңірде 18-19 ғасырларда балық аулау кәсіпшілігімен айналысқан түрікменнің қожа тайпасының елі жайлаған. Осыған байланысты қорымдағы ескерткіштерде белгіленген таңбалардың көбі қожа тайпасының, яғни шеңбер тәрізді, тек аз ғана бөлігі ғана адай тайпасының қабіртастары саналады.
Мешіт құрылысы Маңғыстау облысы әкімінің шешімімен 2002 жылы жергілікті дәрежеде мемлекеттік қорғауға алынған.[1]
Дереккөздер
өңдеу- ↑ «Маңғыстау» энциклопедиясы, Алматы, 1997;