Йенни Линд
Йоханна Мария Линд (Йенни Линд атымен танымал; 1820 ж. 6 қазан — 1887 ж. 2 қараша) — «швед бұлбұлы» атанған швециялық опера əншісі. XIX ғасырдың ең танымал əншілерінің бірі болған Линд Швециямен қатар Еуропа елдерінде операдағы сопрано партияларын орындау арқылы танылып, Америкада 1850 жылдардағы концерттік турнелерден кейін аса танымал болды. 1840 жылы Йенни Линд Патшалық Швеция Музыка Академиясының мүшесі атанды.
Линд 1838 жылы «Вольный стрелок» операсында ойнағаннан кейін атақты болды. Осыдан кейін ол бірнеше жыл бойы дауысын зақымдап алуынан зардап шекті, бірақ оның əн мұғалімі Мануэль Гарсия дауысын құтқарып қалды. 1840 жылдары Феликс Мендельсонның қол астында болған əнші Швеция мен Солтүстік Еуропадағы опера партияларының үлкен сұранысына ие болды. Лондондағы екі табысты маусымнан кейін 29 жастағы Линд өзінің операдан кететінін жариялады.
1850 жылы Линд шоумен Барнумның шақыруымен Америкаға кетеді. Осы шоуменнің көмегімен 93 ірі концерт өткізіп, содан кейін өз бетімен гастрольдік сапарға шықты. Осы концерттерден түскен 350 000 доллар қаржыны қайырымдылыққа жұмсап, Швециядағы ерікті мектептер қорын құрды. Өзінің жаңа жұбайы Отто Гольдшмидтпен 1852 жылы Еуропаға көшіп келеді. 1855 жылы Англияға көшіп, осында келесі екі онжылдық бойы кездейсоқ концерттер беріп жүрді. Сонымен қатар, үй шаруасымен айналысып, үш баласын тəрбиелеумен айналысты. 1882 жылдан бастап бірнеше жыл бойы Лондондағы Корольдық музыка колледжінде əн айту пəнінің профессоры болып жұмыс атқарды.
Дереккөздер
өңдеу
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |