Карл V

Карл V (Каrl V) (24. 2. 1500—21. 9. 1558) — «Қасиетті Рим империясының» императоры (1519—56); Испанияның королі (1516—56). Габсбургтер әулетінен шықты. Карл V державасына Нидерланд, Италия, Аме-рикадағы испан отарлары, Германия, Аустрия, Трансильванияның бір бөлігі кірді. Өз саясатының мақсаты «бүкіл дүние жүзілік христиандық монархия» орнату деп жариялап, Карл V Реформацияға қарсы күресті басқарды, Франциямен (Италия үшін), Осман империясымен соғыстар жүргізді. Аугсбург діни бітімінен (1555) кейін император тағынан бас тартып, Испанияға кетті. Карл V империясы екіге бөлініп, императорлық тәж оның туысы Фердинанд І-ге, Нидерланд, Испания және Неаполь оның ұлы Филипп ІІ-ге берілді.