Каталондар

Каталондар (өздік атауы – каталан) – Испанияның солтүстік-шығысындағы Каталонияның байырғы халқы.

• Каталония облысында 7,5 млн. адам тұрады. Жалпы саны 8,16 млн. адам (1992).
• АҚШ пен Латын Америкасында, Францияда да тұрады.
• Антропологиялық жағынан Каталондар еуропа нәсілдің жерортатеңіздік тобына жатады.
• Христиан дінінің католик тармағын ұстанады.
• Роман тілдері тобына жататын каталан тілінде сөйлейді. Испан тілі де кең тараған.
• Арғы тегі – біздің заманымыздан бұрынкельт, карфаген, грек отаршыларының, кейінірек римдіктердің ықпалына ұшыраған иберий тайпалары. 5 – 8 ғасырларда катлондар жері арабтардың қол астында болды. 8 ғасырда франктер елді арабтардан азат етті.
• Көп ғасыр бойы франктермен қоян-қолтық араласуы каталон этносының қалыптасуына өз ықпалын тигізді.
• 15 ғасырдан бастап испан билеушілерімен азаттық күресін жүргізіп келді, автономиялық облысын құрды, ұлт болып қалыптасты.
• Өнеркәсіпте (әсіресе, тоқыма өнеркәсібі), балық аулау саласында еңбек етеді.
• Өз ана тіліндегі әдебиеті бар.
• Ұлттық музыкасы, әсіресе, лирикалық романстары (кансионы) кеңінен танымал.