Кембрий таулары

Кембрий таулары, Уэльс массиві – Британ аралында, Уэльс түбегін алып жатқан таулар. Ұзындығы 150 км. Абсолютiк биіктігі 1085 м (Сноудон тауы). Кембрий таулары айқын көрінетін бірнеше оқшау бұйраттардан тұратын таулы үстірт. Жанартау жыныстарынан, тақтатас, әктас және құмтастардан түзілген. Гляциалдық цирктер, қар тәрізді жалдар, трогты аңғарлар Кембрий тауларының жер бедеріне ерекше сипат береді. Каледонид қатпарлығында қалыптасқан күмбез тәрізді Камберленд массивінің (биікт. 978 м) тік құлама беткейлері радиалдық жарылымдарға сәйкес келген. Жарылым бойындағы трог тәрізді аңғарлармен шағын өзендер ағады. Кембрий тауларының, тау аңғарларында жалпақ жапырақты орман және бау-бақша қалыптасқан. Кембрий тауларында И-Уитва-Сноудон, Кум-Идуал, Мур-Хаус, Риног, т.б. биол. қорықтар орналасқан. Таулардың Кембрий тауларының аталу себебі, мұнда алғаш рет кембрий кезеңі жыныстарына толық сипаттама берілген.