Кенжехан Атақұлұлы Төлебаев

Кенжехан Атақұлұлы Төлебаев - 1954 жылы 20 қыркүйекте Шымкент облысы Мақтаарал ауданының Сакко-Ванцетти ауылында туған. Қазақ. Әкесі - Төлебаев Атақұл (1900-1971). Анасы – Төлебаева Нахай (1910-1980). Қазақ мемлекеттік ауыл шаруашылығы институтының бітірген (1978), ауыл шаруашылығы өндірісінің ұйымдастырушы-экономисі. Ауылшаруашылық ғылымдарының кандидаты (1994). Кандидаттық диссертациясының тақырыбы: «ОҚО жағдайында мақтаның орташа талшықты сортарына «Сихат» мақташы дефолянтына дефоляцияның экономикалық тиімділігі. Қазақ және орыс тілдерін біледі. «Нұр Отан» ХДП мүшесі (2004 жылдан).

• 1971 жылдан - Шымкент облысының Киров ауданындағы ӨзКСР 40 жылдығы атындағы кеңшардың механизаторы.
• 1972 жылдан - Қазақ мемлекеттік ауыл шаруашылығы институтының студенті. 1978 жылдан - Шымкент облысының Киров ауданындағы XX партсъезд атындағы кеңшардың аға бухгалтері.
• 1980 жылдан - Кеңес Әскерінің қатарында қызметте болған.
• 1982 жылдан - Шымкент облысының Киров ауданындағы XX партсъезд кеңшарының аудандық комитет құқығындағы комсомол комитетінің хатшысы.
• 1983 жылдан - Қазақстан Компартиясы Киров аудандық комитетінің ұйымдастыру бөлімінде нұсқаушы.
• 1985 жылдан - Шымкент облысының Киров ауданындағы Мақталы кеңшарында партия комитетінің хатшысы, 1988 жылдан - кеңшар директоры.
• 1991 жылдан - ОҚО Киров аудандық Халық депутаттары кеңесінің атқару комитеті төрағасының орынбасары.
• 1992 жылдан - ОҚО Мақтаарал ауданының әкімі.
• 1997 жылдан - ОҚО жаңадан құрылған Мақтаарал ауданы әкімінің бірінші орынбасары.
• 1998 жылдан - ОҚО Шардара ауданының әкімі.
• 1999 жылдан - ОҚО Мақтаарал ауданының әкімі.
• 2002 жылдан - ОҚО Экономика департаментінің бастығы.
• 2003 жылдан – ОҚО әкімінің орынбасары.
• 2006 жылдан бері - Оңтүстік Қазақстан облысы жұмылдыруға дайындық, азаматтық қорғаныс, авариялар мен апаттық жағдайлардың алдын алу мен жоюды ұйымдастыру басқармасының бастығы. «Астана» (1998), «Ерен еңбегі үшін» (1999), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Қазақстан Парламентіне 10 жыл» (2006) медальдарымен марапатталған.

Әскери атағы - полковник.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Бай, халқы көп күшті ел».
Хоббиі - кітап оқу, спорт.
Сүйіп оқитын әдебиеті - әлем классикасы.

Үйленген. Жұбайы - Айтөреева Жайсаң (1955 жылы туған), зейнеткер. Ұлдары - Төлебаев Кеңжан (1980 жылы туған), Кенжеханұлы Ермек (1988 жылы туған); Қыздары - Төлебаева Айнұр (1981 жылы туған), Төлебаева Әйгерім (1984 жылы туған), Төлебаева Меруерт (1985 жылы туған). Немерелері - Кенжехан Нұрболат (2004 жылы туған), Кенжехан Нұрбатыр (2005 жылы туған).