Кережан

Кережан – Талдықұм құмының оңтүстік-шығысындағы оқшауланған шоқы.

Кережан тауы
Сипаттамасы
Пайда болған кезеңі	Палеоген
Ұзындығы	5 км
Ені	2,5 км
Биіктігі	234 м
Орналасуы
47°58′21″ с. е. 60°02′39″ ш. б.47.97250° с. е. 60.04417° ш. б. / 47.97250; 60.04417
Елдер	Қазақстан, Ақтөбе облысы Шалқар ауданы
Кережан тауы
Кережан тауы

Географиялық орны

Ақтөбе облысы Шалқар ауданы Шалқар қаласының солтүстік-шығысында 33 км жерде орналасқан.

Жер бедері

Абсолюттік биіктігі 234 м. Солтүстік-батыстан оңтүстік-шығысқа қарай 5 км-ге созылып жатыр, енді жері 2,5 км. Беткейлері жайпақ келген бірнеше шоқыдан тұрады.

Геологиялық құрылымы

Шоқы беткейі элювийлі-эолды шөгінділерімен жабылған. Палеоген кезеңіндегі ортаңғы және жоғарғы олигоцен жүйесінің жыныстарынан түзілген.

Өсімдігі

Құмды, қоңыр сортаң топырақ жамылғысында сұр жусан, тұран жусаны, еркек шөп, астық тұқымдас өсімдіктер өседі.