Кетебай күмбезі

 Басқа мағыналар үшін Кетебай деген бетті қараңыз.

Кетебай күмбезі – архит. ескерткіш. Ұлытау облысының Ұлытау ауданындағы Малтыбай ауылынан оңтүстік-шығысқа қарай 20 км. жерде, Қаракеңгір өзені бойына 1898 жылы салынған. Күмбез әрі би, әрі батыр Кетебай Жолайұлына арнап тұрғызылған. Ауданы 6,556,35 м, есігі бар бөлігінің биіктігі 5,55 м, іргетасынікі – 80 см. Ғимараттың іші мен сырты күйдірілген кірпішпен қапталған. Ол төрт бұрышты пішінінен дөңгелек күмбезге бұрыштық қуыстар арқылы жалғасады. Қос қатарлы жиегі бас қасбетінің жоғарғы бөлігін көріктендіре түседі. Басқа қасбеттері “шырша” тәрізді етіп кірпішпен өріліп қаланған. Оңтүстік-батысқа қараған кіре беріс ойығы күмбезбен жабылған, ал осы ойық қуысының аркасы (дарбазасы) дөңгелек медальонның төрттен үш бөлігі секілденіп біткен. Қазір ескерткіштің жоғары жағы қираған. Кетебай күмбезі 1982 жылы республикалық маңызы бар тарихи және мәдениет ескерткіштердің мемлекеттік тізіміне енді.