Кеңес (ақылдасу)

Кеңес – бір істі көпшілік болып ақылдасып, бас қосып шешу.

Біздің заманымыздан бұрынғы 7 – 5 ғасырларда ру, тайпа, мемлекет ішіндегі мәселелерді халық жиындары немесе кеңес шешкен. Көсемдер кеңесте сайланған. Қазақ хандығында хан кеңесі, билер кеңесі болған. Сөздің осы мағынасына қарай 20-ғасырда орыс тіліндегі “Совет” деген атауды “Кеңес” деп, “Совет өкіметі” деген сөзді “Кеңес өкіметі” деп қолдану орын алды. КСРО-да ыдырағанға дейін ең жоғары заң шығарушы орган Жоғарғы Кеңес деп аталды.

Кеңес термині қазіргі таңда кейбір бірлестік, ұйымдардың сайланбалы органының немесе әлдебір өкіметтілік жүктелетін ұжымының атауы ретінде қолданылады.