«Коммунмаш» – өндірістік кәсіпорын, ашық акцион. қоғам. Тараз қаласында орналасқан. Кәсіпорын 1929 жылы темір бұйымдарын жасайтын майда шеберханалардың бірігуі нәтижесінде «Қызыл темірші» артелі болып құрылған. Одан кейінгі жылдары кәсіпорын аты «Металлист» артелі (1930), Құю-мех. з-т (1956), Коммуналдық машина жасау з-ты (1966) және 1993 жылы «Коммунмаш» АҚ болып өзгертілді. Бұл жеке меншік кәсіпорынның қазіргі уақыттағы негізгі қызметі – өндірістік типтегі кір жуу (кір жуғыш және кір сыққыш машиналар), өрт сөндіру (хим.-көбікті ОХП-10 өртсөндіргіші) құрал-жабдықтарын өндіру және сату. Шығаратын өнім түрлері бойынша республикадағы бірегей кәсіпорын болып табылады. Негізгі өнімдері – КП-336 кір жуғыш машинасы мен кір сыққыш КП-317Б центрифугасының 1972 жылдан бері шығарылуы – олардың сенімділігі мен жоғарғы жұмыстық қасиеттерінің кепілдігі бола алады. Кәсіпорынның бұл өнімдері көптеген мемлекеттердің патентіне ие, сондай-ақ, халықар. сыйлықтармен марапатталған. Акцион. қоғам президенті – Р.О. Боранбаев. [1]

Дереккөздер өңдеу

  1. Тараз Энциклопедиясы