Куксу

Куксу (кор. 국수) – Корей асханасының тағамы. «Куксу» сөзінің синонимі - «мён». Азия аумағында кеспені шамамен 6000-5000 б.з.б. қолданған. Бидай кеспесі кезінде Кореяда қымбат болатын және ол тек 1945 жылдан бастап күнделікті өмір тағам қатарына енді. Сонымен қатар, куксу тағамын қазірде де белгілі бір мейрамдарда, тойларда дайындайды. Аңыз бойынша кеспе адамның өмір сүру ұзақтығын арттырады.

Онмён (куксу чанъгук) (ыстық түссіз сорпа ішіндегі кеспе), нэнмен (суық қарақұмық кеспе), пибим куксу (көкеніспен суық кеспе), кхалькуксу (соя дәмқосары қосылған кеспе) корей асханасының кеспемен жасалатын ұлттық тағамдары болып табылады. Сарайдағы корей асханасында пэкмен тағамы ерекше орын алатын. Нэнмен тағамына бай адамдар тонъгимчхи және сиыр етін қосып жаз мезгілінде жейтін.

Түрлері

танъмён (кор. 당면) — картоп крахмалынан жасалған фунчоза;

мемиль куксу(кор. 메밀국수) — қарақұмық кеспе;

ольчхэнъи куксу (кор. 올챙이국수) — Корей тауларының аумағында көп қолданылады, жүгері ұнынан жасалатын кеспе;

камджа куксу (кор. 감자국수) — картоп крахмалы, күріш ұны, жабысқақ күрішпен араласқан кеспе;

камджанонъма куксу (кор. 감자농마국수) — Хванхэдо аймағында жиі дайындалатын тағам, картоп крахмалынан тұратын қаттылау келген кеспе;

тотхори куксу — емен жаңғағы ұнынан жасалатын кеспе;

чхик куксу (кор. 칡국수) – қарақұмық пен кудзудан дайындалатын кеспе;

ссук кхалькуксу (кор. 쑥칼국수) — жусан және бидай ұнының араласуынан пайда болатын кеспе;

хопак куксу (кор. 호박국수) – асқабақ және бидай ұнынан тұратын кеспе;

ккольтту куксу (кор. 꼴뚜국수) — қарақұмық және бидайдан тұратын кеспе;

чхонсачхэ — сорпа ішінде комбу қайнаған соң, қалған қалдығынан дайындалатын кеспе.

Кеспемен жасалатын тағам

Панчхандар

чапчхэ — қуырылған сиыр еті мен көкеністер қосылатын кеспе.

Қытай кеспесі

чаджанъмён — қара бұршақ пастасы қосылып жасалатын жуан бидай кеспесі;

ччамппон (짬뽕) — ашты кеспе.

Ыстық сорпамен кеспе

кхальгуксу (칼국수) — балдыр сорпасына салынатын кесілген бидай кеспесі;

комгуксу (кор. 곰국수) — комкука сорпасына салынатын бидай кеспесі.

Кеспемен жасалатын суық тағамдар

Пибим куксу (비빔국수) — кочхуджан соусы қосылатын жіңішке бидай кеспесі;

Маккуксу (막국수) — сорпаға салынатын қарақұмық кеспе.

Дереккөздер

Орыс википедиясынан.