Кулекстер — қан сорғыш масалардың туысы. Дене ұзындығы 3—5 мм. Безгек масаларынан айырмашылығы, қонып отырған ересек маса, құрсағын отырған жеріне параллельді ұстайды. 400—ден астам түрі белгілі; оның 20—дай түрі ТМД—да таралған. Дернәсілдері суда, құйрығымен су бетіне үшбұрыштанып жабысып, басымен төмен қарап өмір сүреді. Олардың басым көпшілігі сүзгіштер, ал кейбір түрлері, жыртқыштар. Тұзды сумен ластанған суларда көбейу қабылеті бар. Ұрықтанған ұрғашы масалар қыстап шығады. С. pipiens molestus түршесі үлкен қалаларда қыстада көбейіп ұшады. Күлекстер құстардың плазмодияларын, жапондық энцефалит ауру қоздырушыларын т.б. тасымалдайды.[1]
Дереккөздер
өңдеу