Купаждау, Араластыру

Купаждау, Араластыру (Купажирование) — әр түрлі жартылай фабрикаттарды (су, спирт, қышқылдар, бояғыштар және т.б.) араластыру; ликер-арақ өндірісіндегі негізгі операциялардың бірі. Араластыру алдында шырындар тұнбаларынан арылып, сүзіліп, қажет болса, бентонитпен ағартылады. Лимон қышқылын алдымен суда ерітіп алады. Эфир майы мен ванилін спирті ерітінді ретінде қолданылады. Қантты қою шырын, спирт пен хош иісті заттар буланбау үшін суытылады. Осы құрауыштар рецептура бойынша араластырылып пайда болған ерітінді купаж (араласпа) деп аталады.