Күләш Сырымбетқызы Сәкиева

Күләш Сырымбетқызы Сәкиева (1920 жылы 15 ақпанда Шығыс Қазақстан облысы, Зайсан ауданында туған) — актриса, әнші. Қазақ КСР Халық артисі (1958). Қазақ КСР Жоғарғы Кеңесінің 4ші шақырылымның депутаты. Қазақстанның мәдениет саласындағы мемлекеттік степендиясының иегері. Абай атындағы Шығыс Қазақстан облыстық музыкалық драма театрының актрисасы. Семей қаласының Құрметті азаматы (2002).

Күләш Сырымбетқызы Сәкиева
Жалпы мағлұмат
Туған күні	15 ақпан 1920 (1920-02-15)
Туған жері	Шығыс Қазақстан облысы Зайсан ауданы
Қайтыс болған күні	4 ақпан 2019 (2019-02-04) (98 жас)
Қайтыс болған жері	Семей, Шығыс Қазақстан облысы, Қазақстан
Азаматтығы	КСРО  Қазақ КСР  Қазақстан
Мамандығы	актриса әнші
Белсенді жылдары	1941 - осы уақыт
Бағыты	музыкалық драма
Марапаттары

Өмірбаяны

• Күләш Сырымбетқызы 1920 жылы 15 ақпанда Шығыс Қазақстан облысы, Зайсан ауданында дүниеге келген.
• 1937 - 1941 жылдары Алматы театр училищесін бітірген.
• 1941 - 1952 жылдары Жамбыл облыстық қазақ драма театрының артисі.
• 1952 жылдың 19 қазан айынан бастап Абай атындағы Шығыс Қазақстан облыстық музыкалық драма театры сахнасында.

Ойнаған рольдері

Алғашқы ойнаған рөлі – Ф.Шиллердің «Зұлымдық пен махаббат» трагедиясындағы Луиза. Бұдан кейін Еңлік (Әуезовтің «Еңлік-Кебегінде»), Баян, Қыз Жібек (Мүсіреповтің «Қозы-Көрпеш – Баян сұлуында» және «Қыз Жібегінде») рөлдерін орындаған. 1952 жылы Семей драма театрында қызмет етіп, Мехмене Бану (Хикметтің «Махаббат туралы аңызында»), Жүзтайлақ (Әуезовтің «Түнгі сарынында»), Анар, Майра (Тәжібаевтың «Жалғыз ағаш орман емес» пен осы аттас драмасында), т.б. рөлдерді ойнады.

Қоғамдық қызметі

• 1955 - 1959 жылдары 4-сайланымдағы Қазақ КСР Жоғарғы Кеңесінің депутаты.
• 1971 жылы Қазақстан Компартиясының ХІІІ съезіне делегат болып қатысқан.

Марапаттары

• Қазақ КСР Жоғарғы Кеңесінің Құрмет грамотасымен 3 мәрте марапатталған (1944, 1955, 1980 жылдар);
• 1945 жылы КСРО-ның жоғарғы мемлекеттік марапаты "Құрмет белгісі" орденімен марапатталды.
• 1947 жылы Қазақ КСР еңбек сіңірген әртісі
• 1958 жылы "Қазақ КСР халық артисі" құрметті атағымен қосыла екінші мәрте "Құрмет белгісі" орденімен марапатталды.
• КСРО-ның "Еңбек ардагері" (1982), "Лениннің туғанына 100 жыл" (1970), "ҰОС сығысына 30,50,60,65 жыл", "КСРОның Тың жерлері игергені үшін", "ҰОС ерлегі үшін" және т.б көптеген медалдармен марапатталған.
• 2002 жылы Семей қаласының құрметті азаматы
• Зайсан ауданының құрметті азаматы
• 2005 жылы елбасының жарлығымен қазақ театр өнеріне сіңірген еңбектері үшін еліміздің жоғарғы мемлекеттік марапаты "Парасат ордені" мен марапатталды.