Күмісбай Рахметұлы

Күмісбай Рахметұлы (т - ө.ж.б.) — 1836-37 ж. Ішкі Бөкей ордасындағы көтеріліске белсене қатысушы. Ағайынды Күмісбай және Жұмабай Қарауылқожа Бабажанов пен старшындардан көп қиянат көріп, қаналған. 1836 ж. Қарауылқожа шаруаларға Теңіз жағалауынан шөп шаптырмайды. Сол ж. Күмісбайдың ауылына келіп, «алым-салық төлемейсіндер, Исатайды қолдайсындар» деген қоқан-лоққымен малын айдап кеткен. Содан ағайынды екі жігіт көтерілісшілер жағына шығады. 1836 ж. Махамбетпен бірге Қаракөбен, Жұмағазы сияқты старшындарға қарсы күреседі. 1837 ж. ақпанда Қарауылқожа иелігіне шабуыл ұйымдастырған.