Күріш Құбашұлы Тасболатов

Тасболатов Күріш Құбашұлы (1941 жылы туған, Маңғыстау ауданы Таушық ауылы) – әнші. Ақтөбенің сауда техникумын (1960), Ленинградтың (қазіргі Санкт-Петербург) жоғары сауда мектебін (1968) және Алматы қаласындағы халық шаруашылығы институтының экономикалық факультетін (қазіргі Басқару академиясы, 1974) бітірген. Тасболатов өнермен мектепте оқып жүрген кезінен айналысып, облыстық, республикалық фестивальдар мен байқаулардың жеңімпазы (1957, 1967) атанды. Маңғыстаудың «Адайдың жеті қайқысы» әндерін нақышына келтіре орындап, ел арасында насихаттады. 1989 жылы оның орындауында бір топ ән-термелер күйтабаққа жазылған. Әншілер телебайқауының лауреаты (1985).