Көкбастау ауылдық округі

Көкбастау ауылдық округі – Жамбыл облысы Жуалы ауданындағы әкімшілік бірлік.

Қазақстан ауылдық округі
Көкбастау ауылдық округі
Облысы	Жамбыл облысы
Ауданы	Жуалы ауданы
Округ орталығы	Теріс
Енеді	4 ауыл
Тұрғыны (2021)	▼2980
Уақыт белдеуі	UTC+5:00
Автомобиль коды	08

Әкімшілік құрамы

Құрамына Бақалы, Көктөбе, Қосбөлтек, Теріс ауылдары кіреді. Орталығы – Теріс ауылы.

Халқының саны (2009, 2021)

Елді мекен	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
Бақалы ауылы	505	▼434	85,9	245	▼214	87,3	260	▼220	84,6
Көктөбе ауылы	979	▼950	97	489	▲493	100,8	490	▼457	93,3
Қосбөлтек ауылы	690	▲703	101,9	329	▲354	107,6	361	▼349	96,7
Теріс ауылы	907	▼893	98,5	452	▲459	101,5	455	▼434	95,4
Жалпы саны	3081	▼2980	96,7	1515	▲1520	100,3	1566	▼1460	93,2

Көкбастау ауылдық округі аудан орталығынан 8 шақырым жерге орналасқан. Ол округ 1961 жылы Большевик ауылдық кеңесі болып құрылған. 1993 жылы Көкбастау ауылдық округі болып өзгертілген. 2 орта, бастауыш мектеп, 3 фельдшерлік пункт, 2 мешіт, 4 клуб, 3 кітапхана орналасқан. Округтің жер көлемі 406,6 шаршы шақырым. Ауыл шаруашылық жер көлемі 31510 га, оның ішінде тәлімдік жер 9079, суармалы 1342, жайылымдық 22388.

Ауыл табиғаты

Көкбастау бұлағы орта ағасырда осы маңда жасаған Баркубас шаһарын сумен қамтамасыз етсе керек. Ал, бүгінде ел табынатын Әулие бастаудың біріне айналған Көкбастау ауылдың оңтүстік қыр жақ бетіндегі жыра қолтығында қайнап жатыр. Аумағы шағын ғана, бұлақ сырттан қарап тұрған жанға адам көзі секілді көрінеді, тура адамның көз қарашығы тәрізді. Ортасы - қайнар, айналасы - ақ кірпіш, жағасы - кірпік тәрізді, суы таза мөлдір, бал татиды, "суы шипалы - асқазан, өт, бауыр, жалпы іш ағзаларына дауа, құрсақ көтермеген әйелдер мен жолы болмай жүргендерге септігі тиеді" - дейді айтушылар. Әулие бастау - жер асты сулары арқылы Түркістан қаласына байланысы бар деген болжамдар да бар.