Ладунни

Ладунни, батини ілімі — ғайып ілімі, сырлардың мәніне жету мағынасында қолданылады. Сопылар барлық ғылым атаулының Аллаһ тарапынан берілетіндігіне сенеді. Басқа дін, шариғат, қал ғылымдары періште, елші арқылы беріледі. Ал Ладунни ілімі, ешқандай білім алмастан, тікелей Хақиқаттан адамға берілген ілім. Ладунни ілімін Құдайлық таным немесе мағрифат деп те атайды. Бұл - рухани шабыт кезінде тікелей Тәңірден берілетін таным (илһам). Басқаша айтқанда «илм-и ладуни» илаһи сый, құт. Бұл ілімнің мектебі-тақуа. Ладунни ілімін сыртқы сезім мүшелері мен себептер немесе құралдар арқылы емес, «мағынауи хәл» арқылы үйренуге болады.