Ла-плата шығанағы

Ла-Плата шығанағы, (исп.Rіo de la Plata — күміс өзен) — Атлант мұхитында, Оңтүстік Американың оңтүстік-шығысында. Ла-Плата шығанағы — Парана және Уругвай өзендерінің эстуарийі саналады. Ұзындығы 320 км, ені 220 км, тереңдігі 10 — 20 м. Судың толысуы жарты тәулік (1 м-ге дейін) уақытқа созылады. Парана және Парагвай өзендерін бойлай құрлыққа сұғына енген ауқымды Ла-Плата ойпаты орналасқан. Оның ұзындығы 2300 км, ені 900 км. Ірі қалалары мен порттары — Буэнос-Айрес, Ла-Плата (Аргентина) және Монтевидео (Уругвай).