Локация

Локация

Локация (греше locatіo — орналастыру, бөлу), дыбыстық локация — нысан тарататын дыбыстық өріс (пассивтік Локация) немесе ондағы арнаулы құрылғылар (активті Локация) тарататын дыбыстың кері шағылуы арқылы нысанға дейінгі ара қашықтықты және нысан бағытын анықтау. Активті Локация кезінде импульсті дыбыс көздерімен қатар үздіксіз дыбыс көздері де пайдаланылады. Импульстік режимдегі Локацияда нысанға дейінгі ара қашықтық шағылған жаңғырық-сигналдың кешіккен уақыты бойынша анықталады. Үздіксіз режимде жиіліктік-модульденген сигналды пайдаланып, қашықтықты жіберілген және шағылып қайта оралған жиіліктердің айырмалары бойынша анықтауға болады. Локация ауада, жерде, суда таралатын инфрадыбыстан ультрадыбысқа дейінгі жиілік диапазонында қолданылады. Инфрадыбыстық жиіліктер (Гц-тің бірнеше бөлігінен ондаған Гц-ке дейінгі) жер сілкінісін алдын ала болжауда, сейсмобарлауда, ашық мұхиттарда апатқа ұшыраған кемелерді алыстан анықтау жүйелерінде қолданылады. Пайдаланылатын тәсілдеріне қарай Локация:

• дыбыстық
• оптикалық
• радиолокация

болып ажыратылады.

Дереккөздер

• Ә. Күлімбетов