Лұт

Лұт (араб.: لوط‎) — ислам пайғамбары. Ибраһиммен (﵇) бір уақытта өмір сүрді және оның туысы, Һаранның ұлы болды.

Лұт ﵇
араб.: إِبْرَاهِيْمُ‎
Туған күні	Б. з. д. XIX ғасыр
Туған жері	Қосөзен
Қайтыс болған күні	Б. з. д. XVII ғасыр
Қайтыс болған жері	Хиджаз
Қызметі	Пайғамбар
Әкесі	Һаран
Балалары	Лұттың қыздары

Ибраһиммен ұзақ жыл қарым-қатынаста болған адам. Аллаһ Тағала Лұтты Иорданиядағы Содум қауымына Пайғамбар етіп жіберген. Ол бір бұзылған ел еді. Жолаушыларды тонап, қарақшылық жасайтын, әйелдері бола тұрса да еркектермен әуейі болатын күнәһар әдеттері болған. Лұт (а.с.) оларға насихат айтып, жақсы жолға жетеледі.

Тәубе үйіріңдер, бұзықтықты тастаңдар деді. Ондай қылықтардың ақыры жақсы болмайтынын ескертті. Бірақ, райларынан қайтара алмады. Керісінше, Пайғамбардың өзін «таспен атып өлтіреміз, ел ішінен аластаймыз» деп, әрекет жасады. Осылары үшін Аллаһтың каһарына ілікті. Жазаны орындау үшін Аллаһ Тағала сұлу жігіттер бейнесінде періштелер жіберді.

Лұт (а.с.) оларды адам екен деп біліп, қауымының оларға бұзықтық жасайтыныңан қауіптенді. Айтқандай-ақ, олар бұзықтық жасамаққа кірісті. Лұт Пайғамбар (а.с.) оларға, «Керек болса, қызымды алыңдар, әйелдерің де бар ғой. Меймандарымнан аулақ жүріңдер», – деп жалынды. Меймандар өздерінің періште екенін, бұзықтар ештеңе істей алмайтының, керісінше олардың көздерін жойғалы келгенін айтты.

«Үй-ішіңді ал да бұл жерден тез кет», – деді Пайғамбарға. Бірақ, сенің бұзық әйелің күнаһармен бірге жаза тартады деді». Құдірет бұл қауымға аспаннан тас жаудырып, жайратып тастады. Лұт Пайғамбардың есімі Құранда 27 жерде кезігеді.