Һарұн

Һарұн (ивр. אַהֲרֹן‎, Ахарон) (Аарон) (б.з.д 14 ғ), Мұса пайғамбардың ағасы, көне Израильдің негізін салушы және алғашқы пірәдары. Інжілде Мысырдан израилдықтардың кетуіне перғауынды көндіру үшін Һарұнның маңызды рөл атқарғандығы, Мұса атынан сөз сөйлеп, іс қылғандығы жазылған. Құдай осы оқиғаны есте қалдыру мақсатында Һарұн мен Мұсаға Пасха күні мерекесін атап өту міндетін жүктеген. Мұса Һарұн мен оның ұлдарына қасиетті билікті бөліп берген. Һарұн Исходта негізгі тұлға болып саналғанмен, ол туралы өте аз айтылады. Ол жайлы Мұса Құдайдан өсиет алуға Синай тауында болған кезеңде израильдықтардың мінажат етуіне жауапкершіліктің кімдерге жүктелгендігін баяндау кезінде айтылады. Сандар Кітабында оның 123 жасында бақилық болғандығы жазылған.