Майбалық көлінің минералды суды

Майбалық көлінің минералды суды

Майбалық көлінің минералды суды — Ақмола облысы Бурабай кентінен батысқа қарай 6 км жерде орналасқан минералды су қоры. Ауданы 1 км², ең терең жері 6 м. Тік жағалары түп және борпылдақ жыныстардан тұрады, маусымдық жауын-шашын мен жер асты суларымен толығады. Көлдің хлоридті-сульфатты суында 17,5 мг/л бром бар. 1913 — 70 ж. су деңгейінің 2 м-ден артық төмендеуінен судың жалпы минералдары 6,6 г/л-ден 25,9 г/л-ге дейін артты. Көл суы гастрит, т.б. ауруларды емдеуге пайдаланылады. Химмялық құрамы мен шипалық қасиеті жағынан Майбалық көлінің минералды суды республиканың бірсыпыра бальнеолды курорттарында қолданылатын судан кем түспейді. 1968 — 70 ж. көл маңында бұрғыланған ұңғымалар нәтижесінде біршама тереңде жатқан, құрамы хлорлы-сульфатты, натрийлі-магнийлі, натрийлі, минералдары 5,8 — 152,2 г/л, бром мөлшері 3 — 137,2 мг/л су бар екендігі анықталды.

Дереккөздер

• Қазақ энциклопедиясы