Майбалық минералды суы

Майбалық минералды суы — Ақмола облысындағы "Бурабай" курортының солтүстік-шығысында 8 км жердегі көл шарасындағы минералды су. Суының терендігі — 7 м, балшық қабаты қалыңдығы — 2 м-дей. Хлоридті-сульфатты судың минералдылығы — 10—16 г/л, "ерекше" қасиеті мен минералы жоқ бальнеологиялық топқа жатады. Бұл су "Бурабай" курортында асқазан ауруларын емдеуге пайдаланылады. Балшығы: сульфатты, минералдылығы — жоғары, ерітіндісі — хлоридті натрийлі-магнийлі, минералдылығы — (мг/л). Құраушыларының мөлшері (мг/л): күкірт-сутек — 50-60, бром 1,6, йод — 1,3.