Майлыби Қапанұлы Алдабергенов

Майлыби Қапанұлы Алдабергенов (5.8.1947 ж.т., Қостанай облысы, Меңдіқара ауданы, Көктерек ауылы) – химия ғылымының докторы (1992), профессор (1994). Ленинград (1970, қазіргі Санкт-Петербург) технология институтын бітірген. Алматы қаласындағы Химия ғылымдары институтында инженер, кіші, аға ғылыми қызметкер (1970–81), Қарағанды мемлекеттік университетінде кафедра меңгерушісі, химия мәселелері жөніндегі Білім ғылыми-өнеркәсіптік кешенінің директоры (1981–2003), ал 2003 жылдан ҚазМУ-да (қазіргі ҚазҰУ) кафедра меңгерушісі қызметтерін атқарады. Алдабергеновтың ғылыми жұмыстары көп компонентті жүйелерді зерттеу әдістемесін жасауға арналған. Алдабергенов – 200-ден астам ғылыми мақаланың, 5 кітап пен 10 авторлық куәлік және патенттің авторы.