Майқоға

Майқоға (лат. Typha latifolia) – қоғалар тұқымдасына жатады. Өзен мен көлдердің жағалауында, сулы батпақты жерлерде өседі. Қазақстанның барлық аймақтарында кездеседі, негізінен солтүстігінде жиі. Майқоға жуан тамырсабақты көпжылдық шөптесін өсімдік, биіктігі 100-150 см., тамырсабақтары жайыла өскен; таспа тәрізді жалпақ жапырақты, ені 4-6 мм.; аталық және аналық шоқ гүлдері ұзынша цилиндр пішіндес, 3-8 см; аналық гүлдері қара-қоңыр, жұмсақ болып келеді. Аналық гүлдері жалғыз аналықтан тұрады, аналығы ұзынша; түкті келген ұзын тағанда (гинофор) орналасқан бірұялы жатында жалғыз тұқым бүршігі дамиды. Аталық собық аналық собықтан жоғары орналасқан. Гүлсеріктері түкшелі. Бірүйлі өсімдіктер. Маусым-тамызда гүлдейді. Жемісі – дән, ұшуға бейімделген ұзынша шашақты қанатша тәріздес желге көтергіші бар. Жуан тамырсабақтары крахмалға бай болады, жеуге жарамды. Қоғалар қалың болып өседі. Жапырақтарынан түрлі бұйымдар тоқуға, қоғаның өзінен қағаз өндіруге болады. Крахмалға бай тамыр сабақтары – ондатраға, нутрийге, тағы басқа аңдарына таптырмайтын азық.

Майқоға
Амандық күйі
Least Concern (IUCN3.1)
Ғылыми топтастыруы
Дүниесі: Өсімдіктер (unranked) Дара жарнақтылар (unranked) Commelinids Сабы: Poales Тұқымдасы: Typhaceae Тегі: Typha Түрі: T. latifolia
Екі-есімді атауы
Typha latifolia L.
Синонимдері
Massula latifolia (L.) Dulac Typha ambigua Schur ex Rohrb. Typha angustifolia var. inaequalis Kronf. Typha angustifolia var. media Kronf. Typha angustifolia var. sonderi Kronf. Typha crassa Raf. Typha elatior Raf. (Illegitimate) Typha elatior Boreau (Illegitimate) Typha elongata Dudley Typha engelmannii A.Br. ex Rohrb. Typha intermedia Schur Typha latifolia var. ambigua Sond. Typha latifolia var. angustifolia Hausskn. Typha latifolia var. bethulona (Costa) Kronf. Typha latifolia subsp. capensis Rohrb. Typha latifolia f. divisa Louis-Marie Typha latifolia var. elata Kronf. Typha latifolia var. elatior Graebn. Typha latifolia var. elongata Dudley Typha latifolia subsp. eulatifolia Graebn. Typha latifolia var. gracilis Godr. Typha latifolia fo. remota Skvortsov Typha latifolia subsp. maresii (Batt.) Batt. Typha latifolia var. obconica Tkachik Typha latifolia var. orientalis (C.Presl) Rohrb. Typha latifolia var. remotiuscula (Schur) Simonk. Typha latifolia subsp. shuttleworthii (W.D.J.Koch & Sond.) Stoj. & Stef. Typha latifolia var. transsilvanica (Schur) Nyman Typha latifolia var. typica Rothm. Typha major Curtis Typha media Pollini (Illegitimate) Typha palustris Bubani Typha pendula Fisch. ex Sond. Typha remotiuscula Schur Typha spathulifolia Kronf.