Манатай

Манатай – Сарыарқаның орталық бөлігіндегі тау.

Манатай
Сипаттамасы
Тау жүйесі	Сарыарқа
Пайда болған кезеңі	Силур кезеңі
Ұзындығы	30 км
Ені	5-7 км
Биіктігі	878 м
Орналасуы
48°50′28″ с. е. 73°32′02″ ш. б.48.84111° с. е. 73.53389° ш. б. / 48.84111; 73.53389
Елдер	Қазақстан, Қарағанды облысы Шет ауданында, Ақсу-Аюлы аулының батысында 15 км жерде
Манатай
Манатай

Географиялық орны

Қарағанды облысы Шет ауданында, Ақсу-Аюлы аулының батысында 15 км жерде. Оңтүстік-батыстан солтүстік-шығысқа қарай Жақсы Тағылы тауы мен Шерубай-Нұра өзені аңғары арасында 30 км-ге созылып жатыр, ені 5-7 км. Абсолюттік биіктігі 878 м.

Жер бедері

Сайлармен тілімделген, беткейлері жайдақтау бірнеше ұсақ шоқылардан тұрады. Солтүстік және шығыс етегінде қорымтастың мол үйінділері бар. Қайрақты, Қойкел өзендері бастау алады.

Геологиялық құрылымы

Силур жүйесінің жоғарғы бөлімі жыныстарынан түзілген.

Өсімдігі

Сортандау ашық қызыл қоңыр топырақ жамылғысында жусан, боз, бетеге, көкпек, бұталар өседі. Жайылымдыққа және мал қыстауға пайдаланылады.