Маноло Касерес
Мануэль Касерес Артесеро (ис. Manuel Cáceres Artesero; 15 қаңтар 1949, Сан-Карлос-дель-Валье, Испания), Маноло немесе Маноло-барабаншы деген лақап атымен танымал (ис. Manolo «el del Bombo») «Валенсия» және Испания құрамасының жанкүйері.
Өмірбаяны
өңдеуМаноло Испанияның оңтүстігіндегі Сьюдад-Реал провинциясындағы Сан-Карлос-дель-Валье қалашығында дүниеге келген. Балалық шағында футболмен айналысып, мектепаралық жарыстарға көп қатысқан. Бірақ кейін футболмен түпкілікті айналысудың реті келмей, оны тастайды. Бала кезінде "Сарагоса" клубының жанкүйері болыпты. Өйткені 5 жасында оның отбасы Арагон провинциясына көшіп барады. Ал, Арагон провинциясының орталығы — Сарагоса қаласы. "Сарагосаға" жанкүйер болып жүріп, барабан алып жүру идеясы ойына келеді де, оны іске асырады. Тіпті "Сарагосаның" өз алңында өткізген әрбір матчына барабан алып барып, оны ритммен дабылдатып отырады. Сол кезде оны "Маноло-барабаншы" деп атап бастап еді.
Уақыт өте келе ол 1982 жылдан "Валенсияға" жанкүйер бола бастайды. Осы жылы өзі де Валенсияға қоныс аударған болатын. Аттай 25 жыл бойы клубтың бір ойынын да жібермей, барлығын тамашалайды. Бірақ 2006 жылы клуб жетекшілерімен кикілжіңге келіп, "Местальеге" баруды тоқтатады.
Әлем чемпионаттарында
өңдеуМаноло тұңғыш рет 1982 жылғы әлем біріншілігін өз көзімен тамашалайды. Осыдан бастап, әлем чемпионаттарына өз барабанымен баруды әдетке айналдырады. Өзінің айтуы бойынша, ол 10 әлем чемпионатына барабаншы ретінде барыпты. "12 чемпионатты тамашаласам арманым жоқ" депті ол бір сөзінде. Ол үшін тағы кем дегенде он шақты жыл өмір сүруі керек.
Соңғы 30 жылда Испания құрамасының бір ойынын да құр жібермей, стадионнан тамашалаған. Тек 2010 жылғы әлем чемпионатындағы Испания-Парагвай ойынын денсаулығына байланысты стадионнан тамашалай алмапты.
Басқа да фактілер
өңдеу- Ол үнемі Испания құрамасының 12-нөмірлі жейдесін киіп жүреді.
- Әрбір әлем немесе Еуропа чемпионатында барабандарын ауыстырып тұрады. Яғни, бір барабанды екі бірдей ірі турнирге апармайды.
- Оның мына жүрісіне шыдамаған әйелі 1987 жылы-ақ бұдан кетіп қалған. Содан бері бойдақ боп өмір сүреді.